بسم الله الرحمن الرحيم
كلمتين ع الماشى محوله صغيره جدا منى انى اتكلم , ممكن مكنش مسموع
بس على الاقل احس انى بعبر عن نفسى , احسن من الصوت المكتوم
الفكره دى كانت عندى من مده طويله جدا , افكار وكلام كتيير كنت عايز اقوله
عن احداث عامه سياسيه اقتصاديه او حتى على الصعيد الشخصى .
بس معرفش ليه مره واحده وبعد وفاة الدكتور اشرف مروان الغامضه فى لندن
حسيت ان ده وقته انى اعمل المدونه دى .
يمكن معنديش اى معلومات الا من التلفزيون او الاخبار والانترنت والجرايد
واغلبيتها معلومات اما مفبركه او متذود فى حجمها جدا , بس انا بعتمد على
حاجه تانيه بعتمد على احساس خاص جدا حسيته عند سماع خبر وفاته رحمه الله
حزن غرييييب جدا شعرت بيه , اكيد لانه مصرى واكيد لانه مات موته ربنا يحسن ختمتنا كلنا
بس الحزن ده يتعدى كل ده , حزن على حد فعلا عزيز عليا
قد اكون مصقرا ان اعترفت بانى لم اسمع عن دكتور مروان من قبل ولا عذر لى فى ذلك
ولكنه لن يكون اول ولا اخر جنود الظل الذين احبو هذه البلد حقيقا وبدن اى هدف او مصلحه شخصيه
وبغض النظر عما ستسفر عليه التحقيقات فى انجلترا , رحم الله دكتور اشرف مراون واسكنه فسيح جناته
ونمتمى ان نعرف جزء ولو بسيط عن حياة هذا البطل فهو يستحق على الاقل ان يكرم بعد وفاته
وان تذكره الاجيال القادمه على انه بطل اعطى حياته لمن يحب
Regazzo
alex at 1/7/2007
No comments:
Post a Comment